القطار ! Train !

القطار ! Train !, a photo by Menshawy.New on Flickr.

Old man

Old man, a photo by Menshawy.New on Flickr.

المشربية ! Mashrabiya !

المشربية ! Mashrabiya !, a photo by Menshawy.New on Flickr.

ها هنا كُننا نحتسى قدح القهوة سويا .. فهل للايام ان تعود !!

مهاجراً فى وطنى

من يجى 19 سنة ..وكنت عايش فى الحياة زى كل الناس .. شايف حياتى حلوة ومستقرة ومافى زيها حياة .. كنت حاسس بالامن والانتماء .. وشايف ناس كتير مبسوطة وعايشة الحياة.. شايفك يا بلادى مالينه بالالوان .. لونك روز ومعه اخضر ولا الزرقان .. زرقان نيلك اللى بيعدى على كل بيت يسقى ويروى.. واسمع اخبارك فى تلفزيونك ابقى سعيد .. اة كان فى حوادث بس ده مكنش شىء جديد! .. ولما تسافر بالسلامة وترجع لنا .. نفرح هنا ونضرب تعظيم سلام .. تروح فرنسا تبتسم وفى المانيا شايفك هناك بتترسم ولا روسيا وانجلترا واليونان ولما تروح امريكا القى راسك تنحى وتنكسر ! وصوتك يروح وتاخدى كورس انجليزى وتحتفل بالدكتوراة ! ..وتروح هناك فى الشمال عندنا وفى الشرق والجنوب تنزل تسافر على الحدود تشوف جيبوتى وتزور جزر القمر وتنادى بالسلام وانت فى عز فخراك ورافع راسك ولا الفرسان ! وفى وسط اهلك عايش بطل عايش عزيز .. كنت احبك واغنى ويه الغناة .. اقولك بروح افدى ترابك يا بلدى وانده بعلو الصوت اموت هناك .. اموت شهيد علشانك وافدى .. وفى يوم كئيب .. شوفت الغلابه مظلومين وقولنا غلطه حصلت ومش هتتعاد بعدين .. حسيت بريحه تراب وعفرة جامده .. وشفت بعينى الضباب .. ودوشة جامده كأنة زار .. اصوات اغانى للوطن واخبار مالية الكاسيت والتلفزيون جالى صمم ولا اتعميت ؟ ..

لبست نظراة غريبه عنى وقطعه نظيفة من القماش بدات انظف فى التراب .. شغلت عقلى .. حكمته فى حياتنا وفى الاحوال .. لقيتنى شايف وبدأ الضباب يزول والصوت بقى اكنه صدى .. شوفت الزحام .. شوفت خلق عايشة مطحونين وسط الظلام .. شبابنا تاية فى الاغانى والمسلسلات والباقى نايم مستنى الحفلة يوم الاجازة علشان يغير جو ينبسط ماهو يا حرام بقاله فترة قاعد على القهوة ومش لاقى كلام ؟!!

دورت على حد اشتكيلة من الحرام واسئله واقوله ليه ؟ اقوله ليه ده حصل ؟؟ اقوله فين الالوان اللى كانت بتلون حياتنا وفرحنا ..فى المبدأ والاخلاق ؟ فين القيم ؟ .. وجاتلى حاله من الاكتئاب؟!

ومشيت بعيد ولمحت لون اخضر بيلمع متقولش غيط !! روحت وسئلت بيتبيعوا ايه ؟! اصل كله دلوقتى بيبع ؟!

قالى تعالى عندنا .. هتلاقى حاجه تغيرك وتبسطك؟ وعقلك هيبقى فى التمام .. رد وقولته يا سلام .. هو انت ساحر حضرتك ولا جنى خارج من الفانوس ومعاك فلوس ؟!!

روحت معه وعشت فترة من احلى الحياة.. وشوفت ناس وعرفتهم ... ازى بتفكر بعقلها وقلبها .. شايفه المأسى وحلها .. عايشه الكائبة وفرحها .. عارفه تعيش على اختيارها مش غضب عنها .. بدأت اتعلم منهم .. وشوفت الحياة من شبابكهم كلهم ...

وشوفتهم اللى فاتوا وهم دايسين على الوطن واللى عايش فى الضباب .. وشوفت اللى باع حياته كلها ورخص صوته علشان شهوة يحسها ؟!! يريته باعه علشان امل علشان يعيش .. ده باعه علشان يجيب يدوب سجارة حشيش !! والتانى شايف الناس فسده ومعها تعيش .. باع صوته علشان يفسد ويبقى عايش زيهم ! .

كنت شايف حياتنا بالوان وفيها خط اسود غامض هو الفاسد .. لقيتها لوحه سودا مالينه كلام .. وفيها جزء احمر .. على جنبها .. وسئلت نفسى ده الامل ؟! ولا ده لون النار اللى عايش فيها الناس .. ولا ده لون الغضب المكتوم فى عشها ..؟ لون التعب ؟!! وشوفت تانى شوية ازرق .. قولت لسه نيلك فيك يا بلدى بيروى وبنتروى .. بس لقيته ازرق دم المحبوسن فى بيتهم وقى عقلهم .. دم اللى شايل هم بكرة منين يجيب . هيستنى اشارة يشحت فيها ولا على المحلات ببخورة يبخر المحسدوين ؟!!

وسوداك ده يترا فساد ولا ده لون الرماد اللى باقى من الحرب والانتصار ولسه بيه فرحنين ؟!!

لونت نفسى بالازرق وقولت فيه امل .. وبدأنا فعلا نشتغل ونخلط الالوان لجل ان يبقى فى حياة .. عايشين ومش هنبيع نفسنا .. وكل يوم هنشوف فيه ظلام هيتبنى سور الامل فى دمنا ..

فكرت اسافر واسيب البلد .. فكرت اشتغل شغلانات ماليها عدد .. برة يابلدى محتاجينى وانا محتاجك لفلوسهم كلهم .. هيجهزونى ويجوزونى وهيدونى من اغلى اللى عندهم .. ويمصوا دمى وياخدوا عرقى وتعبى اللى كنت من صغرى بغنى بانه فدى ليك ول ترابك .. وانت التى فى خطرى وفى دمى .. ياريت تحفظى عليا ومش تبقى زى السرطان فى دمى ...

لسه فاكر يوم نديت باسمك وسط الزحام .. وبعلو صوتى وقوته قولت مع البشر .. احلى اسم فى الوجود وناديت بعلو الصوت يا بلادى باسمك .. ولسه شايلك فى قبلى ومحفور جوايا صورتك .. مرسوم بقطعه ماس .. مايقدر يشلها اللى بيقطعوا بيه الماس ..

عايش فيكى مهاجر للفساد .. شايل ليكى احلى صورة فى الفؤاد .. مهاجر ضد الظلم والافتراء .. مهاجرا ضد العدو اللى سارح بينا يبيع ويفسد علشان يسود .. اللى بقى عامل زى الدود .. بس انت لسه ما موتيش علشان تدودى ! .لسه شبابك فيك عايش بالوان .. واللى لسه نايم فى بيتهم ومشغول بالسجارة .. هيجله يوم ويعرف انه باع بالخسارة ..

مهاجراً فيك يا بلدى .. مهاجراً فى وطنى .. افضل ما اسافر وابقى مهاجراً فى غربتى وابقى مهاجراً كمان للاخلاق ..

حافظ على نفسك وروحك .. اوعى فى مرة تبيع ضميرك .. أوعى مرة تبيع دينك .. وافتكر هتلقى مين فى اخرتك .. ده هو نفس بيطلع .. ومش هتلاقى حد ينجدك ....

ومازلت مهاجراً

عزومة فرح

فى يوم رن الموبيل ...رقم غريب

رديت عليه وقت مين ... وبصوت هادى وناعم قالت ألو

قولت ألو بس مين؟!.. قالت ازيك وعامل ايه

قولت الحمد لله بخير ..بس برضة مين !؟؟

قالتى انا .. وقالت اسمها ...

واخد لحظة وافتكرتها ..وقالت ازيك وعاملة ايه ؟

وفى نبرة صوتها سرحت فترة ورجعت شريط حياتى سنين ل ورا

ويومها كانت بتعزمنى علي فرحها .. وقالت اسمه وقتها

وقالتى يوم الثلاثاء اوى متجيش ده انا مستنيه اشوفك هناك !واخد العنوان والميعاد

ويومها رحت ابارك لها واقول مبروك ..ما انا كنت عارف اهلها وحضرت افراح اهلها

ووصلت لحد عندها ورحت المكان ..وعلى الباب وقفنى امن مركزى وقال داخل لمين

قولته داخل فرح ..معزوم عليه

قالى دعوة الفرح لازم تكون معاك .. قولته بس الدعوة جالتى من التليفون وقالى هناك !

قالى الدعوة خاصة مش بيحضر حد عمومى ... هات دعوتك ندخلك

اتكلمت فى الموبيل ..ورديت هالو .. قلت ايوة ألو..

قالتى مين ؟!! قولتها انا .. قالتى اصلى اختها ..قلتها طيب فين دعوتى علشان الدخول ..فى هنا امن مركزى بيقولى خصوصى

قالتى سورى اصل الصوت بعيد والشبكة وقعه والصوت ضعيف

قولتها تانى ... بس بشكل مختلف ابسط يمكن الصوت يوصلها وتبعتلى دعوتى

قالتى .. مش سانعه اوى .. استنى اختى هترد عليك اصلها خلصت

قولت ألو .. قالت هالو!.. قولتها واقف على باب الفرح بس العسكرى .. عايز دعوة فرح يشوفها ادخل بيها يمكن اشوفك وقتها

وسمعت دوشة وموسيقى صاخبة .. ومعها زغريط وشويه طبل وواحد عبيط بيغنى للبلح!!؟ رديت عليها .. مش فاضية دلوقتى انما ... هبعت اخويا بدعوتك .. لو فضى من اللى بيعمله ..

واكمنى كنت عايز ابارك لهم .. فضلت مستنى شوية كويسين .. حوالى ساعة!!. واقف على الباب مستنى الفرج

وجالى تليفون وقالت مين .. ردت عليا وقالتى وقتها .. انى امشى علشان محدش فاضى يجيبها علشان ادخلها !!!..

ومشيت وقلت ..ربنا يبارك لها

.. واهى كانت عزومة فرح :D

فاقد الذاكرة

كان بقالى فترة نفسى اعيش كاواحد فاقد للذاكرة وعلشان كده فكرت ازاى اقدر افقد الذاكرة ؟؟؟
فالقيت ان معظم الناس اللى بتفقدها اغلبهم بيبقى حصل لهم حوادث واغلبها بتبقى حوادث سيارت!!! فقولت خلاص انا اعمل حادثه بالعربيه علشان افقد الذاكرة!! بس اكتشفت انى كده هفقد حياتى كلها مش بس الذاكرة ؟! ...خلاص انا هدور على طريقه تانيه ...اقعد افكر ازى ...ازاى ..ازاااااااااااااااى ؟؟!! لحد ما وصلت لفكرة اعتقد انها ممكن تجيب نتيجه .... انا فاقد الذاكرة ... فاقد الذاكرة .. فاااااااااااقد الذاكرة ..........انا هلعب على العقل الباطن وهبعتله رسائل توحى بانى فعلا فاقد الذاكرة وانى مش فاكر اى حاجه ولما هقابل حد هحاول انى اعمل معرفوش يعنى مثلا هتناسى اسمه وساكن فين وبيشتغل ايه وكده .... و
وفضلت على الوضع ده لفترة كبيرة لدرجه انى فعلا بدأت انسها .. وبدأت فعلا انسى اسماء اعز اصحابى .... و
فى يوم كنت مرهق جدا بعد يوم مشحون .. ورحت نمت ولما فتحت عنيى اكتشفت انى فى مكان معرفوش وان دماغى بدأت توجعنى بشكل غريب ... ولقيت كل الحاجات اللى حواليا كأنى اول مرة اشوفها ؟؟!!!! وشويه شويه بدأت افتكر ... وافتكر ... والحمد لله افتكرت ..افتكرت ان كان نفسى افقد الذاكرة ... وفعلا دى الحاجه الوحيده اللى فاكر انى فاتكرتها من ساعة ما فقد الذاكرة ....

فرشه واللوان

فى طريقى وفى ايدى قلم وكتاب وفى جيبى فرشه وفى الجيب التانى الالواندخلت مكتبه كبيرة وفيها من كل علم اشكال واللوان واللى كلامه صريح واللى كلامه ملاوع ومن غير عنوان, واللى رسمه جميل جدا من غير الوان واللى لون رسمه اخد جايزة احسن فنان واللى قرا كتاب وعجبه واللى قرا بس العنوان وكلهم فى الاخرفى نفس المكتبه وانا قاعد لوحدى على جنب مشغول,مشغول بكلمه اعبر فيها عن حياتى ولا عن رسمه تلون كتاباتى وتختصر فى الحروف وفى نور كلامى الغلبان,فمسكت الفرشه ورسمت خط طويل بالون جميلوفى اخر الخط حطيت نقطه ومعرفتش احط لها لون وفى وسط الخطمشيت باللون تانى واتفرعت منه عده اللوانواقعد ارسم والون لحد ما جه معاد الذهاب ووقفت كتير عند النقطه اللى فى اخر خطى!! هحط لوها ايه من وسط الالوان؟؟وقولت خلاص نا هسيبها لعين المشاهد يتخيل معايا لونها بعد ما شاف تناسق الالوان..وجيت فى يوم اليوم التالى ومعايا نفس الادواتوجلست على نفس الطاوله وبدأت.... بس المرة دى بدات اكتب واعبر عن نفسى واحكى حكايتى مع الايام,واسرد خططى وحياتى واكتب عن الاهداف.وبدأت اكتب خطوط ثابته اسير عليها وانفذ اللى منها مستطاعوفى اخر حياتى كتبت كلمه وهى النهايه...بس مش عارف برضه هتكون ازاى!!بدأت خلاص من يوم ميلادى وكان تقريبا معرف بس وصلت لنهايه المطافامتى مش عارف ولا حتى عارف انا فين هعيش ولا فين هنام!!ويترا اللى بحلم بيه النهارده هيسمح ليا الوقت انى اعمله ولا هيسرقنى زى الايام ؟وتمر بيا الحياة وتفوت ساعه ورا يوم وراها سنه ومعه الزمن بدأ يختفى من امامىحبه حبه لحد ما وصلت للعتمه وانتظرت النور!!فى الاخر يبان!!!هيظهر النور دلوقتى ولا كمان شويه ولا انا نسيت ادفع فاتورة الكهرباء بتاعت اليوم دهولا الزيت اللى فى المصباح خلص مع الايام؟